काठमाडौँ ।
पूर्वराष्ट्रपति विद्यादेवी भण्डारीले इस्लाम धर्मावलम्बीहरूको महान् पर्व ईद उल फित्रको अवसरमा शुभकामना व्यक्त गरेकी छन्।
सामाजिक सञ्जालमार्फत उनले ईद पर्वले परिवार तथा समाजमा आपसी प्रेम र सद्भाव प्रगाढ बनाउन सहयोग गर्ने विश्वास व्यक्त गरेकी छन्।
पूर्वराष्ट्रपति भण्डारीद्वारा जारी शुभकामना सन्देशमा भनिएको छ, “रमजानको पवित्र महिना सकिएपछि हर्षोल्लासका साथ मनाइने ईद उल फित्रको सम्पूर्ण नेपाली मुस्लिम समुदायका दिदीबहिनी तथा दाजुभाइहरूमा हार्दिक मङ्गलमय शुभकामना छ।”
ईद उल फित्र आपसी मेलमिलाप, प्रेम, सहिष्णुता र सामाजिक एकताको पर्व भएकाले यसले समाजमा शान्ति, समृद्धि र सहअस्तित्वको भावना प्रवर्द्धन गर्ने पूर्वराष्ट्रपति भण्डारीको विश्वास रहेको छ।
