धनगढी ।
बाजुराको खप्तड छेडेदह गाउँपालिका–३ धुर्ताेलामा चितुवाको आक्रमणबाट एक बालकको मृत्यु भएको छ।
आइतबार साँझ चितुवाले आक्रमण गर्दा ८ वर्षीय विजय रावतको ज्यान गएको हो।
जिल्ला प्रहरी कार्यालय बाजुराका प्रहरी निरीक्षक देवबहादुर चौधरीका अनुसार बालक घर नजिकै आँगनमा खेलिरहेको बेला चितुवाले अचानक आक्रमण गरेको थियो।
घटनास्थलमै उनको मृत्यु भएको प्रहरीले जनाएको छ।
मृतकको शव परीक्षणका लागि जिल्ला अस्पताल बाजुरा ल्याइएको छ।
घटनापछि स्थानीयबासीमा त्रास फैलिएको छ भने प्रहरी र वन विभागको टोलीले घटनास्थल पुगेर अनुसन्धान गरिरहेको जनाएको छ।
