मध्यपश्चिम विश्वविद्यालय एमयुको स्ववियु चुनाव आज सम्पन्न हुँदै
मध्यपश्चिम विश्वविद्यालय एमयुको स्ववियु चुनाव आज सम्पन्न हुँदै
    • बेल संचार

    • १८ चैत्र २०८१, सोमबार

सुर्खेत ।

आज मध्यपश्चिम विश्वविद्यालय (एमयु) मा ६ वर्षपछि स्वतन्त्र विद्यार्थी युनियन (स्ववियु) को निर्वाचन भैरहेको छ। मतदान बिहान ७ बजेदेखि बेलुका ५ बजेसम्म तय गरिएको भए पनि केही ढिलाइसँग मतदान सुरु भएको छ।

४,३८३ मतदाता रहेका यस विश्वविद्यालयमा १७ सदस्यीय कार्य समिति गठन गरिनेछ। स्ववियु निर्वाचन कार्यविधि अनुसार, अध्यक्ष, सचिव र कोषाध्यक्ष गरी ३ पदाधिकारी र १४ जना सदस्यलाई मतदाताबाट निर्वाचित गरिनेछन्। साथै, ७ जना सदस्य समानुपातिक पद्धतिबाट निर्वाचित हुने व्यवस्था पनि छ।

कार्य समितिले १४ सदस्यहरूबाट एक उपाध्यक्ष र एक सहसचिव चयन गर्नेछ र त्यसपछि ५ पदाधिकारी र १२ सदस्य चयन गरिनेछ।

लामो समयपछि विद्यार्थीहरूले हर्षोल्लासका साथ मतदानमा भाग लिएका छन्। प्रदेश सभाका सांसद (विद्यार्थी)हरू पनि मतदानमा सहभागिता जनाएका छन्। यसैगरी, विभिन्न राजनीतिक दलका नेताहरू मतदान स्थलमा उपस्थित भएर आफ्ना उम्मेदवारहरूको पक्षमा भोट हाल्न मतदाताहरूलाई प्रेरित गर्दैछन्।

निर्वाचनमा ९ वटा विद्यार्थी सङ्घ/संगठनले भाग लिएका छन्। प्रमुख उम्मेदवारहरूमा एमाले निकट अनेरास्ववियूबाट जगतजंग शाही, माओवादी निकट अखिल (क्रान्तिकारी)बाट अध्यक्ष प्रकाश विक, कांग्रेस निकट नेविसंघबाट विवेक खड्का, स्वतन्त्र उम्मेदवार मिलन बिसी, विप्लव निकट विद्यार्थी संगठनबाट चीनबहादुर सहकारी, र अन्य संगठनबाट विभिन्न उम्मेदवारहरूको नाम सामेल छन्।

साताकाे चर्चित
सम्बन्धित