जुम्ला ।
नेपाल कम्युनिस्ट पार्टी (एमाले) ले जुम्लामा बृहत् जनसभा कार्यक्रम सोमबार सम्पन्न गरेको छ।
जुम्लाका ८ वटै स्थानीय तहका नेता तथा कार्यकर्ताहरू सदरमुकाम खलंगा पुगेर विशाल जनप्रदर्शनमा सहभागी भएका थिए। उनीहरूले बसपार्कबाट भार्तिवाडा हुँदै एर्पोर्टसम्म जुलुस निकालेपछि बाल मन्दिरमा औपचारिक कार्यक्रम आयोजना गरेका थिए।
नेकपा एमाले जिल्ला कमिटी अध्यक्ष शान्तिलाल महत का अनुसार पार्टीको जरा केन्द्रित अभियान को क्रममा यो जनसभा आयोजना गरिएको हो। उनले पछिल्लो समय राजावादीहरूले देशमा अराजकता मच्चाउने गतिविधि गरिरहेका कारण यो जनसभाले उनीहरूलाई खबरदारी गरेको बताए।
नेकपा एमाले जुम्ला इन्चार्ज रतननाथ योगी का अनुसार, गाउँपालिकाहरूले गरेका विकासका कामहरू आफूले गराएको झूटो प्रचार गर्ने माननीय ज्ञानेन्द्र शाहीको भ्रम अब जनता नबुझ्ने अवस्थामा पुगेको बताए। योगीले सामाजिक सञ्जालमा झूटो प्रचार गर्दै हिँड्ने तर जुम्लाको विकासमा कुनै भूमिका नखेल्ने शाहीलाई जनसभाबाट चेतावनी समेत दिएका थिए।
नेकपा एमालेले जरा अभियानलाई लक्षित गर्दै जुम्लामा आयोजना गरेको आम बृहत् जनसभा ले पार्टीलाई उत्साहजनक बनाएको छ। जनमासले आगामी चौरासी निर्वाचनमा जुम्लामा एमाले पहिलो पार्टी बन्ने संकेत दिएको नेताहरूले दाबी गरेका छन्।
कार्यक्रमको सञ्चालन जिल्ला कमिटी सचिव मानबहादुर रोकायले गरेका थिए भने, समापन जिल्ला पार्टी अध्यक्ष शान्तिलाल महतले गरेका थिए।
