कञ्चनपुर ।

बेलौरी नगरपालिका–२, टेंढुवा गाउँबाट नियन्त्रणमा लिइएको बयस्क भाले पाटेबाघ गए राति शुक्लाफाँटा राष्ट्रिय निकुञ्ज मा छाडिएको छ।

डिभिजन वन कार्यालयका प्रमुख रामविचारी ठाकुर का अनुसार बाघलाई निकुञ्जको कोर एरिया (भित्री भाग) मा रहेको सुरक्षित प्राकृतिक बासस्थानमा पुनःस्थापित गरिएको हो।

यसअघि आइतबार गहुँबारीबाट उद्धार गरिएको बाघ को स्वास्थ्य परीक्षण गरिएको थियो। परीक्षणका क्रममा बाघ स्वस्थ रहेको पाइएपछि निकुञ्ज क्षेत्रमा छाड्ने निर्णय गरिएको ठाकुरले जानकारी दिए।

बाघको व्यवस्थापनका लागि डिभिजन वन कार्यालय कञ्चनपुर, शुक्लाफाँटा राष्ट्रिय निकुञ्ज, राष्ट्रिय प्रकृति संरक्षण कोष, जिल्ला प्रशासन कार्यालय, तथा सुरक्षा निकायहरू बीच छलफल गरी निकुञ्जमै छाड्ने निष्कर्ष निकालिएको थियो।