काठमाडौं ।

राष्ट्रिय प्रजातन्त्र पार्टी (राप्रपा) का वरिष्ठ नेता र पूर्वमन्त्री दीपक बोहोराको निधन भएको छ। उनले काठमाडौंको ओम अस्पतालमा उपचारको क्रममा अन्तिम सास फेरे। उनका स्वकिय सचिव तारामणि चन्दले यसबारे जानकारी दिएका छन्।

दीपक बोहोराले रुपन्देही क्षेत्र नम्बर-३ बाट सांसदको रूपमा निर्वाचित भएका थिए।बोहरा कोरोना महामारीको दोस्रो लहर (जेठ २०७७) मा संक्रमित भएका थिए। संक्रमणपछि उनका स्वरमा केही परिवर्तन आएको थियो र थप उपचारका लागि उनले दिल्ली र पछि न्यूयोर्क समेतको यात्रा गरेका थिए। चिकित्सकहरूले पोष्ट कोभिडका कारण उनको घाँटीमा समस्या देखाएका थिए। पछि, उनलाई घाँटीको क्यान्सर भएको पुष्टि भयो।

पोष्ट कोभिडका कारण बोहरा बोल्न नसक्ने अवस्थामा थिए। चुनावको बेलामा पनि उनले बोल्न सक्दैनथे र नबोलेरै निर्वाचित भएका थिए। संसदमा पनि उनले आफूले भन्नु पर्ने कुरा अन्य सांसदमार्फत सुनाउँथे।

दीपक बोहरा समाज र राजनीति क्षेत्रमा एक प्रमुख व्यक्तित्व थिए, र उनको निधनले राष्ट्रिय प्रजातन्त्र पार्टीलाई ठूलो क्षति पुर्याएको छ।