वीरगञ्ज ।

आम जनता पार्टीका अध्यक्ष प्रभु साहले औद्योगिक तथा व्यापारिक नगर वीरगञ्जलाई आर्थिक राजधानी बनाउनुपर्नेमा जोड दिएका छन् ।

मंगलवार आम जनता पार्टीद्वारा आयोजित पत्रकार सम्मेलनमा अध्यक्ष साहले वीरगञ्जमा पर्याप्त मात्रामा आर्थिक गतिविधि हुने भएकाले यसलाई आर्थिक राजधानीको रूपमा विकास गर्नुपर्ने बताए ।

प्रतिनिधि सभा सदस्यसमेत रहेका साहले मुलुकको आर्थिक विकासका लागि सरकार र निजी क्षेत्रबीच सहकार्य अपरिहार्य रहेको उल्लेख गरे । उनले भने, “मुलुकको आन्तरिक तथा बाह्य ऋण बढिरहेको छ । स्वदेशी उद्योग, कलकारखानालाई प्रवद्र्धन गर्ने नीति अवलम्बन गर्न आवश्यक छ।”