काठमाडौं ।
प्रहरी हिरासतमा रहेका राप्रपाका वरिष्ठ नेता रवीन्द्र मिश्र र सांसद धवलशमशेर राणासँग पार्टी अध्यक्ष राजेन्द्र लिङ्देनले दोस्रोपटक भेट गरेका छन्।
गत शुक्रबार (१५ चैत) काठमाडौंको तीनकुनेमा भएको हिंसात्मक प्रदर्शनपछि पक्राउ परेका मिश्र र राणासँग लिङ्देन यसअघि पनि एकपटक भेट गरिसकेका थिए।
जिल्ला प्रहरी परिसर, काठमाडौं स्रोतका अनुसार लिङ्देनले मंगलबार दिउँसो ३ बजे हिरासत कक्षमै पुगेर मिश्र र राणासँग भेट गरेका थिए।
यसअघि, शनिबार साँझ पनि उनले हिरासतमा पुगेर उनीहरूसँग भेट गरेका थिए।
