रुपन्देही निर्वाचन क्षेत्र नम्बर ३ बाट निर्वाचित सांसद दीपक बोहराको पार्थिव शरीर भैरहवा ल्याइएको छ।
मंगलबार बिहान काठमाडौंको ओम अस्पतालमा उपचारका क्रममा उनको निधन भएको थियो।
त्यसपछि उनको शव गृहनगर भैरहवामा ल्याई सिद्धार्थनगर नगरपालिकाभित्र परिक्रमा गराएर बोहरा निवासमा राखिएको छ।
श्रद्धाञ्जलिका लागि मंगलबार उनको शव पार्टी कार्यालय (बोहरा निवास) मा राखिने छ।
बुधबार बिहान काठमाडौंस्थित पार्टी केन्द्रीय कार्यालयमा अन्तिम श्रद्धाञ्जलीका लागि राखेपछि पशुपति आर्यघाटमा अन्तिम संस्कार गरिने जनाइएको छ।
राष्ट्रिय प्रजातन्त्र पार्टी रुपन्देहीका उपाध्यक्ष अजय कुमार गुप्ताका अनुसार अन्त्येष्टिका लागि पार्थिव शरीर पुनः काठमाडौं लगिने भएको हो।
