काठमाडौँ ।

 आज दुई संसदीय समितिको बैठक बस्ने भएको छ। बिहान ११ बजे राज्य व्यवस्था तथा सुशासन समितिको बैठक बस्दै छ, जसमा संघीय निजामती सेवाको गठन, सञ्चालन र सेवाका शर्त सम्बन्धमा व्यवस्था गर्न बनेको विधेयक, २०८० माथि छलफल गर्न गठित उपसमितिको प्रतिवेदन पेस गरिनेछ। साथै, निर्माणमुखी सामाग्रीको व्यवस्थापन तथा नियमन सम्बन्धी विधेयक, २०८० माथि सैद्धान्तिक छलफल हुनेछ।

त्यसैगरी, बिहान ११:३० बजे सार्वजनिक नीति तथा प्रत्यायोजित विधायन समितिको बैठक बस्नेछ। बैठकमा समितिको आगामी कार्यक्रमबारे छलफल गरिनेछ।