काठमाडौँ ।
नेपालका प्रधानमन्त्री केपी शर्मा ओली हाल थाइल्याण्डको आधिकारिक भ्रमणमा रहेका छन्। बुधबार उनलाई थाइल्याण्डमा भव्य स्वागत गरिएको छ।
प्रधानमन्त्री ओलीको भ्रमणलाई नेपाल-थाइल्याण्ड द्विपक्षीय सम्बन्ध सुदृढ गर्ने अवसरका रूपमा हेरिएको छ। भ्रमणका क्रममा उनले थाइल्याण्डका उच्चस्तरीय नेताहरूसँग भेटवार्ता गर्ने, व्यापार, लगानी, पर्यटन प्रवर्द्धन तथा आपसी सहकार्यका विषयमा छलफल गर्ने कार्यक्रम रहेको छ।
प्रधानमन्त्री ओलीलाई थाइल्याण्ड पुगेपछि विशेष सम्मानसहित स्वागत गरिएको थियो। थाइल्याण्ड सरकारका उच्च अधिकारीहरू, नेपाली कूटनीतिक अधिकारीहरू तथा त्यहाँ बसोबास गर्ने नेपाली समुदायका प्रतिनिधिहरूले उनको स्वागत गरेका थिए।
उनको भ्रमणका क्रममा नेपाल-थाइल्याण्ड सम्बन्ध थप बलियो बनाउने, आर्थिक सहकार्यलाई प्रवर्द्धन गर्ने र आपसी हितका विभिन्न विषयमा छलफल हुने अपेक्षा गरिएको छ।
हेर्नुहोस् तस्बिरहरु :
