बर्दिया ।
नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले जनयुद्धका क्रममा तत्कालीन राज्यपक्षबाट बेपत्ता पारिएका शिवचरण थारूको परिवारसँग भेटघाट गरेका छन्।
तराई-मधेश केन्द्रित हुलाकी राजमार्ग जागरण अभियानअन्तर्गत माओवादी केन्द्रको टोली बर्दियाको जगतियास्थित थारू परिवारको घर पुग्दा अध्यक्ष प्रचण्ड पनि साथमा थिए। उनीहरूले शिवचरण थारूको परिवारसँग समय बिताएका छन् र थारू समुदायका स्थानीय जनतासँग समेत संवाद गरेका छन्।
प्रचण्डको सचिवालयका अनुसार भेटका क्रममा प्रचण्डसहितको टोलीले थारू समुदायको पारम्परिक खाजा समेत स्वाद चाखेको थियो। उनले कमलको पातमा पस्किएको ‘ढिग्री’ — चामलबाट तयार पारिने एक विशेष परिकार —को स्वाद लिएका थिए।
यसअघि समाजवादी मोर्चाले चैत १५ गते काठमाडौंमा गणतन्त्रको पक्षमा आयोजना गरेको वृहत् जनप्रदर्शनको तयारीका कारण माओवादी केन्द्रले अभियान केही दिनका लागि स्थगित गरेको थियो। अब भने अभियान पुनः सक्रिय रूपमा अघि बढाइएको छ।
