डाउन सिण्ड्रोम अवस्था अपाङ्गता भएका व्यक्तिहरुका विषयमा जनचेतना जगाउने उदेश्यले काठमाडौंमा स्वस्फूर्त भावना चित्रकला लेखन कार्यक्रम (Sip And Paint ) को आयोजना गरियो । डाउन सिण्ड्रोम समाज नेपाल, कलशाको आयोजना तथा T21 पाटी प्यालेसको सहकार्यमा माघ ७ गते डाउन सिण्ड्रोम अवस्थाका युवा अपाङ्गता भएका व्यक्तिहरु, उनीहरुका अभिभावकहरु तथा सरोकारवाला निकायका व्यक्तिहरुको सहभागितामा T21 पाटी प्यालेसको प्राङ्गणमा आफ्नो इच्छा अनुसारको चित्र बनाएर रङ्गसँग खेल्दै उक्त चित्रहरुलाई कलात्मक बनाइएको थियो

सो स्वस्फूर्त भावना चित्रकला कार्यक्रममा आयोजक संस्था डाउन सिण्ड्रोम समाज नेपाली अध्यक्ष शिला थापाले डाउन सिण्ड्रोम अवस्था अपाङ्गता भएका व्यक्तिहरु प्रति समाजमा भएको नकारात्मक सोचलाई सकारत्मक रुपमा परिवर्न गर्न अति जरुरी रहेको र यस चित्रकलाले (Sip And Paint ) यो विषयमा महत्वपूर्ण भूमिका खेल्ने भन्दै यस कार्यक्रमको आयोजना गरिएको बताउनु भयो ।

साथै उहाँले यो स्वस्फूर्त भावना चित्रकला लेखन कार्यक्रमले आगामी दिनमा पनि डाउन सिण्ड्रोम अपाङ्गता भएका व्यक्तिहरुको मनोबल उच्च राख्नको लागि प्रेरणा दिने, चित्रकलामा रुचि बढाउने र डाउन सिण्ड्रोम समाज नेपाललाई पनि आगामी दिनमा यस्ता कार्यक्रमहरु सञ्चालन गर्न उत्साहित गर्ने कुरामा जोड दिनु भयो ।

डाउन सिण्ड्रोम समाज नेपाल, कलशाको आयोजना तथा T21 पाटी प्यालेसको सहकार्यमा माघ ७ गते काडमाडौंमा आयोजना गरिएको स्वस्फूर्त भावना चित्रकला लेखन कार्यक्रम (Sip And Paint ) को सहजकर्ता काठमाडौं विश्वविद्यालयका विद्यार्थी सुदिक्षा डङ्गोलले गर्नु भएको थियो । सो (Sip And Paint ) स्वस्फूर्त भावना चित्रकला कार्यक्रम समावेशी रहेको र यसमा १४ वर्ष देखि ३८ वर्ष उमेरका डाउन सिण्ड्रोम अवस्थाका अपाङ्गता भएका ३० जना युवाहरु , उनीहरुका अभिभावक तथा सरोकारवाला निकायका व्यक्तिहरु सहित ६० जनाको सहभागिता रहेको कार्यक्रम दिउसो २ बजे देखि बेलुका ७ बजे सम्म चलेको थियो ।