गोरखा ।
गोरखा निर्वाचन क्षेत्र नम्बर–१ बाट प्रतिनिधिसभा सदस्यमा राष्ट्रिय स्वतन्त्र पार्टीका सुधन गुरुङ विजयी भएका छन्। अन्तिम मतपरिणामअनुसार उनले प्रतिस्पर्धी उम्मेदवारहरूलाई उल्लेख्य मतान्तरले पछि पार्दै जित हासिल गरेका हुन्।
निर्वाचन परिणाम अनुसार गुरुङले २९ हजार ८९६ मत प्राप्त गरे। उनका निकटतम प्रतिस्पर्धी नेपाली कांग्रेसका प्रेम खत्रीले १५ हजार ३९८ मत ल्याउँदै दोस्रो स्थानमा रहे।
यसैगरी, नेकपाका हरिराज अधिकारीले ११ हजार १२४ मत प्राप्त गर्दै तेस्रो स्थान हासिल गरेका छन्। नेकपा एमालेका रामचन्द्र लामिछाने भने ३ हजार ७३२ मतसहित चौथो स्थानमा सीमित भएका छन्।
यस परिणामसँगै गोरखा–१ मा राष्ट्रिय स्वतन्त्र पार्टीले उल्लेख्य मतान्तरसहित प्रतिनिधिसभामा आफ्नो उपस्थिति सुनिश्चित गरेको छ।
