वीरगन्ज ।

वीरगन्ज महानगरपालिकाको १५ औँ नगरसभा सुरु भएको छ । शनिवार वीरगन्ज पार्टी प्यालेसमा महानगरपालिकाको १५ औँ नगरसभा सुरु भएको हो ।

नगर सभामा महानगरका मेयर राजेशमान सिंहले आगामी आर्थिक वर्ष ०८१/०८२ को नीति तथा कार्यक्रम प्रस्तुत गर्दैछन् । नीति तथा कार्यक्रम नगरसभाबाट पास भइसकेपछि बजेटको रूपमा प्रस्तुत गरिनेछ ।

उपमेयर इम्तेयाज आलमले आगामी आर्थिक वर्ष ०८१/०८२ का लागि बजेट प्रस्तुत गर्नेछन् । महानगरले आगामी आर्थिक वर्ष ०८१/०८२ का लागि करिब ३ अर्बको हाराहारीमा बजेट ल्याउन लागेको महानगर स्रोतले जानकारी दिएको छ ।