काठमाडौं

काठमाडौंको नयाँबानेश्वरमा गुडिरहेको एक बसबाट धुँवाको मुस्लो निस्किएको छ ।

भक्तपुरबाट काठमाडौंको रत्नपार्क जाँदै गरेको प्रदेश ३–०१–००५ ख ९५५४ नम्बरको बस नयाँबानेश्वरस्थित संसद् भवन नजिक आइपुग्दा धुँवैधुवाँ भएपछि यात्रुहरूलाई ओरालिएको थियो ।

यात्रुहरू ओरालेपछि मेकानिक्स बोलाएर मर्मतको काम भइरहेको प्रहरीले जनाएको छ । अहिले अवस्था सामान्य छ । बसमा आगलागी हुनबाट भने जोगिएको छ ।

चालकले बस स्टार्ट बन्द गर्न खोज्दा पनि केही बेरसम्म स्टार्ट बन्द भएको थिएन ।