काठमाडौं ।
कीर्तिपुर नगरपालिकाका नगर प्रमुख (मेयर) राजकुमार नकर्मीको निधन भएको छ । उनको उपचारका क्रममा बिहीबार राति निधन भएको हो ।
दिवंगत नकर्मी मिर्गौला रोगबाट पीडित थिए । दुवै मिर्गौला फेल भएपछि उनी केही समययता डायलासिस गराउँदै आइरहेकोमा स्वास्थ्यमा जटिलता आएपछि अस्पताल भर्ना भएका थिए ।
नकर्मीको आजै अन्तिम दाहसंस्कार गर्ने तयारी छ ।
गत स्थानीय तह निर्वाचनमा नेपाली कांग्रेसको तर्फबाट उम्मेदवार बनी विजय हासिल गरेका नकर्मीका एक छोरा, एक छोरी र श्रीमती छन् ।
यसैबीच, कीर्तिपुर नगरपालिकाले मेयर नकर्मीको निधनमा आज शोक बिदा दिएको छ ।
