काठमाडौं

ग्लोबल टी–२० क्यानडा २०२४ अन्तर्गत शनिबार भएको खेलमा टोरोन्टो १९ रनले विजयी भएको  छ । सन्दीप लामिछाने र दीपेन्द्रसिंह ऐरी आबद्ध भ्यानकुभर नाइट्स नेपाली क्रिकेट टोलीका कप्तान रोहित पौडेलको टोली टोरोन्टो नेसनल्ससँग पराजित भएको हो ।

टोरोन्टोले  दिएको १ सय २८ रनको लक्ष्य पछ्याउँदा भ्यानकुभर १८.५ ओभरमा १ सय ८ रन बनाउँदै अलआउट बन्न पुग्यो । टोलीका लागि रिची बेरिङटनले सर्वाधिक ५२ रन बनाए ।

पहिले ब्याटिङ गरेको टोरोन्टोले निर्धारित २० ओभरमा ९ विकेटको क्षतिमा १ सय २७ रन बनाएको थियो । कप्तान रोहित सुरुवात ११ मा अटाउन सकेका थिएनन् ।

बलिङमा सन्दीपले ४ ओभरमा ३२ रन खर्चेर १ विकेट लिए । दीपेन्द्रले २ ओभर बलिङ गरेका थिए । उनले १६ रन खर्चेर कुनै विकेट लिन सकेनन् ।