जुम्ला ।

कनकासुन्दरी ७ को हलगाडे भन्ने ठाउँमा ५ वटा भेडा आइतबार राती भालूले मारेको छ ।

दिन भर चराएर ल्याएका भेडा भेडी खर्कमा बास बसालेको बेला एकासी भेडाको बगाल भित्र भालू पसेर भेडालाई तर्साई लखेडी लखेडी मारेको भेडिगोठाला गोबी कार्कीले जानकारी दिनु भयो ।

सोही वडा तल्लो रानिसैन आकाशी कार्कीका २ वटा र गोबी कार्कीका ३ वटा भेडा भालूको आक्रमणमा परेर मारिएका छन् ।

गोठाला कार्कीका अनुसार यसको दुई दिन अगाडि आकाशी कार्कीको १ वडा गोरु समेत मारेको थियो ।

यो भालूलाई मानिसले ह्वाई ह्वाई लगाए मान्दैन , थाली बजाए भाग्दैन सिधै भेडाको बगाल भित्र पसि जान्छ । यसले गर्दा हामी गोठालालाई पनि ठुलो डर लागेको छ ।