एशियन पिपुल्स मुभमेन्ट अन डेब्ट एन्ड डेभ्लोपमेन्टको नेतृत्वमा पाकिस्तान, बंगलादेश, नेपाल, भारत, इन्डोनेसिया, मलेसिया र फिलिपिन्समा एकै दिनमा प्रदर्शन भएको हो ।

एशियामा यी समन्वयित परिचालनहरू न्युयोर्क शहरमा भविष्यको शिखर सम्मेलन (समिट फर द फ्युचर) र संयुक्त राष्ट्रसंघको महासभा अघि सञ्चालन गरिएको हो र यो ग्लोबल विक अफ एक्सन फर कलाइमेट फाइनान्स एन्ड फोसिल फ्रि फ्युचरको एक हिस्सा हो ।

५८ देशहरूमा जीवाश्म इन्धनको चरणबद्धता र जलवायु वित्तको भुक्तानीका लागि प्रदर्शन भइरहेको छ । एपीएमडीडी संयोजक लिडी नेकपिल भन्छन्, ‘जलवायु संकटको अग्रपंक्तिमा रहेकाहरूका लागि २०२४ विनाशकारी वर्ष रह्यो ।’

दक्षिण र दक्षिणपूर्वी एसियामा वर्षको पहिलो आधामा अत्यधिक गर्मीले विद्यालयहरू बन्द भएका छन् भने खाद्य उत्पादनमा पनि बाधा पुर्‍याएको छ । पावर ग्रिडहरू भत्किएका छन् । दक्षिणी पाकिस्तानमा गर्मीका कारण ६ दिनमा ५६८ जनाको मृत्यु भएको छ । वर्षको दोस्रो त्रैमासिकमा जलवायु परिवर्तनले बढाएको मनसुन वर्षाले बंगलादेशलाई एक शताब्दीमा सबैभन्दा ठूलो वर्षा र सबैभन्दा खराब बाढी दिएको छ, लाखौं मानिसहरूलाई प्रभाव परेको छ ।