तनहुँ ।
तनहुँ, २४ डिसेम्बर: पृथ्वीराजमार्ग अन्तर्गत तनहुँको आँबुखैरेनी गाउँपालिका–१ आँधीखोलामा मंगलबार बिहान इँटा बोकेको ट्रक दुर्घटना हुँदा दुई जनाको मृत्यु भएको छ।
डुम्रेबाट आँबुखैरेनी जाँदै गरेको स्करपियोलाई विपरीत दिशाबाट आउँदै गरेको ट्रकले ठक्कर दिएको थियो।
दुर्घटनामा ट्रक चालक ३० वर्षीय भेषराज पराजुली र सहचालक २८ वर्षीय विजय विश्वकर्माको मृत्यु भएको जिल्ला प्रहरी कार्यालय तनहुँका प्रहरी निरीक्षक मुनेन्द्र थापाले जानकारी दिए।
ठक्करपछि स्करपियो सडकमै र ट्रक पुलकोबीच खसेर दुर्घटनाग्रस्त भएको थियो ।
स्करपियोमा सवार चार जना सकुशल रहेको प्रहरीले जनाएको छ। दुर्घटनाग्रस्त ट्रकलाई क्रेनको सहायताले स्थानान्तरण गरिएको छ।
