विराटनगर ।
जंगली हात्तीले मोरङको सुन्दरहरैंचा नगरपालिका-१० बागझोडामा तीनवटा घरमा क्षति पुर्याएको छ।
बुधबार बिहान करिब ४ बजे बस्तीमा पसेको जंगली हात्तीले स्थानीय खड्गमाया बराल, चन्द्रकला श्रेष्ठ र कृष्णदेव राईका घरमा क्षति पुर्याएको हो।
प्रहरीका अनुसार हात्तीले बरालको घरको छानो भत्काएर १५ मन धानमा क्षति पुर्याएको छ।
त्यस्तै, श्रेष्ठको घरको गारो भत्काएर कोठाभित्रका सामानहरू पनि नष्ट गरेको छ। राईको घरको कच्ची बेरा पनि हात्तीले भत्काएको छ।
हात्तीले तीनवटै घरमा क्षति पुर्याएपछि जंगल फर्केको प्रहरीले जनाएको छ।
