काठमाडौं ।

प्रधानमन्त्री केपी शर्मा ओलीसँग नेपालका लागि इजरायलका राजदूत स्मुलिक ए बासले आज शिष्टाचार भेट गरेका छन्।

प्रधानमन्त्री तथा मन्त्रिपरिषद्को कार्यालयमा भएको यो भेटमा द्विपक्षीय सम्बन्ध र आपसी हितका विविध विषयमा विचार विमर्श भएको छ।

भेटघाटका क्रममा सूचना प्रविधि, लगानी, पर्यटन, रोजगारी, कृषिको आधुनिकीकरण, शिक्षा, र संस्कृतिलगायतका पारस्परिक साझेदारीका क्षेत्रमा सहकार्यका सम्भावनाहरुबारे छलफल भएको प्रधानमन्त्रीको निजी सचिवालयले जनाएको छ।

यस अवसरमा राष्ट्रियसभाका सदस्य तथा इजरायलका लागि पूर्व नेपाली राजदूत डा. अञ्जान शाक्य र परराष्ट्र मन्त्रालयका उच्च अधिकारीहरु पनि उपस्थित थिए।