बुधबार नै भारत र माल्दिभ्सबीच पनि खेल हुँदैछ । फाइनल पुग्ने टिम बुधबारको खेलबाटै टुंगो लाग्नेछ । बंगलादेशसँगको खेल जितका लागि खेल्ने नेपाली टोलीका सहायक प्रशिक्षक किरण श्रेष्ठले बताए ।
समान ६ अंक भए पनि गोल अन्तरको आधारमा आयोजक माल्दिभ्स शीर्ष स्थानमा उक्लिँदा भारतसँगको पराजयले नेपाल दोस्रो स्थानमा झरेको छ । बंगलादेशसँगको खेलमा नेपाल हारेमा टोली प्रतियोगिताबाटै बाहिरिनेछ । यदि खेल बराबरी भएमा पनि नेपाल ७ अंक जोड्दै उपाधि प्रतिस्पर्धामा पुग्नेछ । बंगलादेशले जितेमा ऊ फाइनलमा पुग्नेछ ।
आयोजक माल्दिभ्स र भारतबीच हुने खेलमा पराजित हुने टोली प्रतियोगिताबाट बाहिरिनेछ । ५ अंक जोडेको भारतले बराबरी खेलेमा पनि बाहिरिनेछ । आयोजक माल्दिभ्स भने बराबरी खेले पनि फाइनलमा पुग्नेछ ।
