नेपाली कांग्रेसको सभापतिका लागि मतगणना चलिरहेको छ ।
अहिलेसम्म ३ हजार ७७ मत गनिएको छ । सुरुदेखि नै अग्रता लिइरहेका शेरबहादुर देउवाले १४ सय ६५ मत ल्याउनुभएको छ ।
डा.शेखर कोइरालाले ११ सय ३१ मत पाउनुभएको छ । प्रकाशमान सिंहले २५०, विमलेन्द्र निधिले १७३ र कल्याण गुरुङले १२ मत प्राप्त गर्नुभएको छ ।
४ हजार ६७९ मत खसेकोमा विजयी हुन २ हजार ३ सय ४० मत चाहिन्छ । कुनै पनि उम्मेदवारले बहुमत नल्याए धेरै मत ल्याउने दुई उम्मेदवारबीच पुनः प्रतिस्पर्धा हुनेछ ।
