नेपाली कांग्रेसको सभापतिमा शेर बहादुर देउवा विजयी भएपछि कार्यकर्ताहरूले खुसीयाली मनाएका छन् ।
कांग्रेसको १४ औं महाधिवेशनमा सभापतिका उम्मेदवार डा. शेखर कोइरालालाई पराजित गर्दै देउवा विजयी भएका छन् ।
कुल ४ हजार ५ सय ७४ मत खसेकोमा देउवाले २ हजार ७२४ र कोइरालाले १ हजार ८१७ मत प्राप्त गरे ।
सभापतिमा देउवा विजयी भएसँगै भृकुटीमण्डपमा कार्यकर्ताहरूले खुसीयाली मनाएका छन् ।
सोमवारको मतदानमा देउवाले २ हजार २ सय ५८ मत प्राप्त गरेका थिए भने कोइरालाले १ हजार ७ सय ३ मत प्राप्त गरेका थिए । सोमवार भने ४ हजार ६८१ मत खसेको थियो ।
सोमवार भएको पहिलो चरणको मतदानमा स्पष्ट बहुमत आउन नसकेपछि मंगलवार दोस्रो चरणको मतदान भएको थियो ।
