काठमाडडौं। पाकिस्तानका सेना प्रमुख जनरल कमर जावेद बाजवाले सैन्य सुरक्षा राष्ट्रिय सुरक्षाको केवल एक पक्ष भएको बताउँदै पाकिस्तानको नयाँ सुरक्षा निती एक निकै प्रभावकारी कदम भएको बताएका छन् । पाकिस्तानका प्रधानमन्त्री इमरान खानले शुक्रबार पाकिस्तानको नयाँ सुरक्षा नीति जारी गरेका थिए । यो अवसरमा पाकिस्तानका सेना प्रमुख पनि उपस्थित थिए ।

पाकिस्तानी अखबार जंगका अनुसार सुरक्षा नीति घोषणापछि पत्रकारहरुसँग संक्षिप्त कुरा गर्दै जनरल बाजवाले भने ‘राष्ट्रिय सुरक्षाका सबै पक्षहरुमा आधारित समग्र सुरक्षा नीति तय गर्नु एक प्रभावकारी कदम हो । यो नीति समग्रस् राष्ट्रिय सुरक्षालाई सुनिश्चित गर्नको लागि सहयोगी साबित हुनेछ ।’

अखबारका अनुसार पाकिस्तानको इतिहासमै पहिलो पटक राष्ट्रिय सुरक्षा नीति सार्वजनिक गरिएको छ । राष्ट्रिय सुरक्षा नीतिको धेरै भाग गोप्य राखिएको छ । तर, जे कुराहरु सार्वजनिक गरिएका छैनन् त्यसमा कश्मिर पाकिस्तानको राष्ट्रिय सुरक्षाको अहम विन्दू रहनेछ र भारतसँग उसको सम्बन्ध कश्मिर समस्या समाधानमा निर्भर रहनेछ । यो सुरक्षा नीतिको सबैभन्दा महत्वपूर्ण पक्ष यसका आर्थिक सुरक्षालाई केन्द्रीय महत्व दिइएको छ ।