आफ्नो पार्टी माओवादी केन्द्र तिनै तहको निर्वाचनमा गठबन्धन गरेरै निर्वाचन लड्ने पक्षमा रहेको तर एक्लै लडौ भनेर कसैले दम्भ देखाउछ भने माओवादी त्यसका लागि सधैं तयार रहेकोले सबै नेता कार्यकर्ताहरुलाई निर्वाचन केन्द्रित हुन अपिल गरेका छन् ।

माओवादी विचार र मुद्दाको दृष्टिले सबै भन्दा बलियो पार्टी रहेकोले सबै कार्यकर्ताहरुलाई एक ढिक्का भएर सबै जिल्ला, गाउँपालिका,वडा र टोलटोलमा अभियान संचालन गर्न निर्देशन दिएका छन् ।

साथै उनले निर्वाचनमा जो माओवादीसंग तालमेल गर्न रुचिगत ठान्छन् तिनीहरूसंग तालमेलका निम्ति हुनेसम्मको लचिलो हुन तयार हुने तर जो माओवादीसंग तालमेलका लागि रुचिगत ठान्दैनन् तिनीहरुसंग माओवादीको पनि कुनै रुचि नरहेको र तालमेलको रोइकराइ नगर्ने बरु एक्लै भिड्न तयार रहेको बताए ।

देशभरिको माहोल हेर्दा माओवादीको सबैभन्दा राम्रो माहोल सिर्जना हुँदै गएको र आउदो निर्वाचनमा माओवादीको परिणाम सोचेको भन्दा राम्रो हुने जिकिर गर्दै पुनः एक पटक सबै नेता कार्यकर्ताहरुको विचमा रहेका बैचारिक मतभेदलाई थाती राखेर निर्वाचनको तयारी गर्न अपिल गरेका छन् ।