राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले प्रधानमन्त्री शेरबहादुर देउवाले अबको कति समयमा देशलाई सक्षम बनाउन सक्छन् भनेर प्रश्न गरेका छन् ।

शनिबार काठमाडौंमा आयोजित कार्यकर्ता भेला तथा पार्टी प्रवेश कार्यक्रममा उनले नेपाली काँग्रेस, नेकपा एमाले र नेकपा माओवादी केन्द्रले कति समय पाएमा देश सक्षम बनाउन सक्छन् भन्ने प्रश्नको जवाफ उनीहरुसँगै नभएको बताए ।

शेरबहादुर देउवालाई प्रश्न गरे, अब कति पटक वा कति वर्ष थपदियो भने उहाँ देश बनाउन सक्षम हुनुहन्छ ? कोही काँग्रेसको नेता हुनुहुन्छ शेरबहादुर देउवालाई अब ५ वर्ष दिए देश बन्छ भनेर भन्न सक्नुहुन्छ ?  अथवा केपी ओली, प्रचण्ड, उहाँहरुलाई कति वर्ष र कति कार्यकाल थपेपछि यो देश बन्छ ?’ उनले प्रश्न गरे ।

अध्यक्ष लिङ्देनले मूलधारमा रहेको पार्टीको दिमाग बाँझो भइसकेको भन्दै जति भोट दिएपनि उनीहरुले देश नबनाउने र यिनीहरुलाई जति भोट दिए पनि देश बनाउँदैनन् । यिनीहरुको दिमाग बाँझो भइसक्यो । अब त्यो उर्बरता आउनेवाला छैन । अब हामीलाई पर्खने छुट र सुविधा छैन’ उनले भने ।अध्यक्ष लिङ्देनले राप्रपालाई एक पटक सरकारको नेतृत्वको जिम्मा दिएर हेर्न पनि आग्रह गरे।

लिङ्देनले रेल र पानीजहाजको कुरा गर्ने तर  बाटो नबनाउने  भन्दै साडेगोरु बाट दुधको आशा नगर्न आग्रह गर्दै अबको चुनाबमा राप्रपाले मात्र देशको बिकास गर्नेकुरामा जोड दिएका छन।