कोरोना भाईरसको संक्रमण पश्चात नेपालको पर्यटन क्षेत्र सुस्ताएको छ । यस्तो अवस्थामा पर्यटन क्षेत्रकै पुरानो संस्था नेपाल एशोशियसन अफ टुर्स एण्ड ट्राभल एजेन्ट्स (नाट्टा) को नयाँ नेतृत्व चयनका लागी आगामी १७ चैत्रमा निर्वाचन हुँदैछ । नाट्टा निर्वाचनमा उपाध्यक्ष पदका एक उम्मेदवार हुन–बरुण मेहता ।

ट्राभल एण्ड टुर्स व्यवसायीहरुको संस्था नेपाल एशोशियसन अफ टुर्स एण्ड ट्राभल एजेन्ट्स (नाट्टा) को आगामी १७ चैत्रमा हुने निर्वाचनका लागी मेहताले अध्यक्षका उम्मेद्वार रमेश थापाको प्यानलवाट उपाध्यक्ष पदमा उम्मेदवारी दिएका छन । वल्र्डवेज ट्राभल एण्ड टुर्स प्रा.लि.का प्रबन्ध निर्देशक बरुण मेहता पर्यटन व्यवसायमा चर्चित नाम हो ।

विशेष गरी चिनियाँ पर्यटकहरुलाई नेपाल भित्र्याउने कम्पनीहरुमा उनको ट्राभल कम्पनी अग्रपंक्तिमा आउँछ ।“

हाल समस्यामा रहेको नेपालको पर्यटन क्षेत्रलाई पुनरुत्थान गर्न नाट्टा जस्तो संस्थामा रहेर केहि गर्न सकिन्छ भन्ने सोचले नाट्टाको उपाध्यक्ष पदमा उम्मेदवारी दिएको हुँ”–मेहताले भने । नाट्टा मार्फत व्यवसाय र व्यवसायीहरुको हितमा काम गर्ने उनको योजना त छ नै, त्यसबाहेक पर्यटन क्षेत्रकै पुरानो संस्था नाट्टाकै लागी दीर्घकालिन रुपमा स्रोतको खोजी गरि नाट्टालाई आर्थिक रुपमा पनि सबल संस्था बनाउने आफ्नो योजना रहेको उनले सुनाए ।

“नाट्टालाई आर्थिक रुपमा सशक्त बनाउन दीर्घकालिन स्रोतको सुनिश्चतता गर्न सकिने प्रशस्त सम्भावना छ, नेपाल सरकार संग यस विषयमा गम्भिर छलफल गर्ने योजना पनि छ”–मेहताले भने । विगत तीस वर्षदेखि पर्यटन व्यवसायमा सक्रिय मेहता पर्यटन क्षेत्रका ट्राभल, ट्रेकिङ, होटल लगायतका व्यवसायमा पनि संलग्न छन ।

व्यवस्थापनमा स्नात्तकोत्तरसम्मको अध्ययन गरेका उनी नेपालको पर्यटन क्षेत्रभित्र रहेका समस्याहरुको समाधानको लागी अगुवाई नाट्टाले गर्नुपर्छ भन्ने धारणा राख्छन । पर्यटन क्षेत्रको निति निर्माण तथा निति नियमहरुको समयानुकुल परिवर्तनका लागी समेत नाट्टा नेतृत्वले सरकारलाई झक्झक्याउनुु पर्ने आवश्यकता उनले देखेका छन ।

अहिलेको कठिन परिस्थितिमा झन पर्यटन क्षेत्रमा सरकार र व्यवसायीहरु सहकार्य गर्दै समग्र पर्यटन क्षेत्र र देशकै आर्थिक विकासमा महत्वपूर्ण भुमिका खेल्नुपर्ने महशुश उनले गरेका छन । चिनियाँ भाषा र संस्कृतिको विज्ञका रुपमा परिचित मेहता व्यवसायीक रुपमा चिनियाँ पर्यटकहरु नेपाल भित्र्याउन अब्बल मानिन्छन ।

नेपालमा बाह्य पर्यटक भित्र्याउन नेपाली व्यवसायीले अन्तर्राष्ट्रिय रुपमा थुप्रै समस्या भोगेको हालको अवस्थामा व्यापार सहजीकरणमा नाट्टाले आवश्यक भुमिका निभाउनुपर्ने उनको धारणा छ । त्यसका लागी नाट्टामा रहेर आँफुले सक्दो योगदान गर्ने उनले आफ्नो प्रतिवद्धता रहेको वताए । व्यवासयको शिलशिलामा विभिन्न देशको भ्रमण गरेका मेहता अन्तर्राष्ट्रियस्तरमा नेपालको पर्यटन प्रवद्र्धनमा विशेष दख्खल राख्छन ।

आफ्नो लामो अनुभव, योग्यता, र क्षमता नाट्टामार्फत पर्यटन क्षेत्रको विकासमा खर्चने उनको चाहना छ ।

व्यवसायमा रहेका ठुला र साना सवै व्यवासयीहरुको हितका लागी यस्ता संस्थाको नेतृत्वमा बस्नेहरुले ध्यान दिनुपर्ने उनी वताउँदछ । चाईनिज टुर अपरेटर एलायन्स अफ नेपालको अध्यक्ष समेत रहेका मेहता पर्यटन पुनरुत्थानका लागी नेपालमा चिनीयाँ पर्यटकहरुको आकर्षण बढाउन आँफुले विगतमा सिकेका अनुभवहरुलाई प्रयोग गर्ने आफ्नो एजेण्डा रहेको वताउँछन ।