खगेन्द्र लामिछाने निर्देशित फिल्म ‘पानीफोटो’को ट्रेलर सार्वजनिक भएको छ। सोमबार काठमाडौंमा पत्रकार सम्मेलन गरि फिल्मको ट्रेलर सार्वजनिक गरिएको हो ।
फिल्मले सशस्त्र द्वन्द्वमा बेपत्ता छोरा खोज्ने यात्रामा निस्किएको दम्पतीको कथा भनेको छ। २ मिनेट ४५ सेकेन्डको ट्रेलरमा अनुप बराल, मेनुका प्रधान, मलिका महत र खगेन्द्र स्वयं फिचर्ड छन्।
ट्रेलरमा बेपत्ता परिवार र आफन्तको पीडा र सशस्त्र द्वन्द्वका पक्षलाई प्रश्न गरेको छ। संक्रमणकालीन न्याय अपूरै हुँदा बेपत्ता परिवारले भोग्नुपरेको हैरानीलाई फिल्मले देखाउन खोजेको छ।
ट्रेलरअनुसार फिल्ममा अनुप र मेनुकाले दम्पतीको भूमिका निर्वाह गरेका छन् जो बेपत्ता छोरोको खोजीमा निस्किएका छन्।
साउन १३ गते रिलिज हुने फिल्ममा रमेश अधिकारी, प्रकाश घिमिरे, माओत्से गुरुङ, बुद्धि तामाङ, कमलमणि नेपालको अभिनय छ।
