काठमाडौं

‘ये रिश्ता क्या कहलाता है’ र ‘ससुराल सिमरका’ जस्ता चर्चित शोमा महत्वपूर्ण भूमिका निर्वाह गरेकी अभिनेत्री वैशाली ठक्करले आत्महत्या गरेकी छन् । वैशाली विगत एक वर्षदेखि इन्दौरमा रहँदै आएकी थिइन्न् । वैशालीले आफ्नै घरमा हात्महत्या गरेकी हुन् । पुलिसका अनुसार घटनास्थलमा वैशालीले सुसाइड नोटपनि छोडेकी छन् । अहिले उक्त सुसाइड नोटबारे अनुसन्धान सुरु भइसकेको पुलिसले बताएको छ ।

वैशाली ठक्करको आत्महत्याले सिंगो टिभी उद्योगलाई स्तब्ध बनाएको छ । वैशालीको आत्महत्याबारे हालसम्म कुनै प्रष्ट जानकारी आउन सकेको छैन । तर प्रारम्भिक अनुसन्धानमा वैशालीको आत्महत्याको कारण प्रेम सम्बन्ध रहेको बताइएको छ ।

वैशालीको अन्तिम पोस्ट : ‘म तिम्रो लागि ज्यान पनि दिन्छु’

वैशालीले पछिल्लो २० घण्टामा इन्स्टाग्राममा एउटा पनि स्टोरी पोस्ट गरेकी छैनन् र उनको अन्तिम पोस्ट पनि पाँच दिनअघिको हो ।

वैशालीको अन्तिम पोस्ट एक रिल हो जसमा उनले एक मजाक भनेकी छन् । यस रिलमा वैशालीले गाएकी छन्, ‘मन के हो, कलेजो, दृष्टि… तिम्रो लागि ज्यान दिनु पर्छ !’

हाल वैशालीका परिवारका सदस्यहरु सम्पर्कमा नआएको र अनुसन्धान पनि भइरहेको जानकारी गराइएको छ ।

वैशाली सामाजिक सञ्जालमा निकै सक्रिय थिइन् र उनको प्रस्थानले उनका फ्यानहरूलाई स्तब्ध बनाएको छ ।