बलिउड अभिनेत्री जाह्नवी कपूर अभिनीत फिल्म ‘मिली’ को ट्रेलर सार्वजनिक भएको छ।
फिल्ममा जाह्नवीले २४ वर्षकी स्नातक पढेकी नर्सकाे भूमिका निर्वाह गरेकी छन्।
उनी विदेशमा गएर काम गर्न चाहन्छिन् तर उनको सपना पूरा हुनुअगाडि नै आफ्नो अफिसको फ्रिजर कोठामा बन्द हुन्छिन्। माइनस १० डिग्री तापक्रम भएको कोठामा ‘मिली’ले गरेको संघर्षलाई फिल्ममा देखाइएको छ।
माथुकुट्टी जेभियरले निर्देशन गरेको फिल्ममा जाह्नवीसँगै सनी कौशल, मनोज पाहवा, हस्लीन कौर, राजेश जैस, विक्रम कोछार, अनुराग अरोरा, सञ्जय सुरीलगायत कलाकारको अभिनय छ।
यो मलयालम फिल्म ‘हेलेन’ को हिन्दी रिमेक हो।
फिल्मलाई जी स्टुडिओसँगै मिलेर जाह्नवीको बुवा बोनी कपूरले निर्माण गरेका हुन्।
यो फिल्म नोभेम्बर ४ अर्थात् कात्तिक १८ गतेदेखि प्रदर्शन हुँदैछ।
