बलिउड अभिनेत्री आलिया भट्ट आमा बनेकी छन्।
आलियाले आफ्नाे इन्स्टाग्राममा एक पाेस्टर पाेस्ट गर्दै छाेरीकाे आमा बनेकाे जानकारी दिएकी छन्।
भारतीय सञ्चार माध्यम इन्डिया टिभीका अनुसार उनले आइतबार एचएन रिलायन्स अस्पतालमा छोरीलाई जन्म दिएकी हुन्।
आलियाले छोरीलाई जन्म दिनु अगाडि भारतीय सञ्चार माध्यमसँग कुराकानी गर्दै आलियाका बुवा महेश भट्टले खुशी व्यक्त गरेका थिए।
‘मलाई थाहा छ आलिया र बच्चा दुवै ठिक छन्। आलियाले सुन्दर बच्चालाई जन्म दिनेछिन्। म आलिया र रणवीरको लागि एकदमै खुशी छु,’ उनले भने।
आलिया र रणवीरले वैशाख १ गते विवाह गरेका थिए। उनीहरूले पछिल्लाे समय ‘बह्मास्त्र’मा एकसाथ काम गरेका थिए।
