काठमाडौँ

नेपाली कांग्रेसका महामन्त्री तथा काठमाडौं- ४ बाट गगनकुमार थापाले मतदान गरेका छन् । काठमाडौंको मैतिदेवी केन्द्रबाट आइतबार बिहान मतदान गरेका हुन् ।उनीसँगै चुनावी प्रतिस्पर्धामा रहेका उनका मुख्य प्रतिस्पर्धी नेकपा एमालेका राजन भट्टराईले पनि सोहि केन्द्रबाट मतदान गरेका छन् ।

पाँच वर्षपछि आएको यो अवसर प्रयोग गर्दै १ करोड ७९ लाख मतदाताले संघीय र प्रादेशिक तहको नेतृत्व छान्दै छन् । झन्डै ८ वर्ष लगाएर जनताले पहिलो पटक आफ्ना प्रतिनिधि (संविधानसभा)मार्फत लेखेको वर्तमान संविधान लागू भएपछि हुँदै गरेको यो दोस्रो आवधिक निर्वाचन हो ।

यो निर्वाचनमा करिब २३ लाख मतदाता (१३ प्रतिशत) पहिलो पटक सहभागी हुँदै छन् । उनीहरूले आफ्ना आकांक्षा वा असन्तुष्टि कसरी प्रकट गर्छन् भन्ने विषयले आगामी दिनको राजनीतिमा प्रभाव पार्ने छ ।