काठमाडाैं ।

एसीसी प्रिमियर कपको फाइनलमा नेपालले यूएईविरुद्ध दोस्रो विकेट लिएको छ । कीर्तिपुरस्थित त्रिवि क्रिकेट मैदानमा जारी खेलमा नेपालले युएईको दोस्रो विकेट लिएको हो ।

नेपालका लागि करण केसीले दोस्रो विकेट लिएका हुन् । नेपाललाई यसअघि सोमपाल कामीले पहिलो विकेट दिएका थिए । नेपालले युएईविरुद्ध टस जितेर बलिङ गरिरहेको छ ।

घरेलु टोली नेपाल दर्शक र घरेलु मैदानको फाइदा उठाउँदै एसिया कप पुग्ने लक्ष्यमा छ। यूएई पनि नेपाललाई घरेलु मैदानमा स्तब्ध पार्ने योजनामा छ ।

खेलको विजेता टोलीले भारत र पाकिस्तानलगायतका टिमसँग खेल्न पाउने छ ।

शनिवार भएको खेलमा नेपाल कुवेतलाई पराजित गर्दै फाइनलमा पुगेको हो भने युएई ओमानलाई पराजित गर्दै फाइनलमा पुगेको हो ।