काठमाडौं ।
१६औं गणतन्त्र दिवसका अवसरमा सोमवार सैनिक मञ्च टुँडिखेलमा उल्लासमय वातावरणमा भव्य कार्यक्रम गरियो ।
राष्ट्रपति रामचन्द्र पौडेलको समुपस्थितिमा सैनिक मञ्चमा गणतन्त्र मूल समारोह समितिद्वारा विशेष समारोहको आयोजना गरिएको हो ।
सोही कार्यक्रममा उपराष्ट्रपति, प्रधानमन्त्री, सभामुख, राष्ट्रियसभा अध्यक्षलगायत विशिष्ट व्यक्तित्वहरुको उपस्थिति रहेको थियो ।
विक्रम संवत् २०६२–६३ को ऐतिहासिक जनआन्दोलनका माध्यमबाट मुलुकमा राजतन्त्रको अन्त्य गरी गणतन्त्र स्थापना भएको थियो ।
नेपाली जनताको लामो बलिदान र संघर्षको उपलब्धिका रूपमा गणतन्त्र दिवस मनाइने गरिएको छ ।
