काठमाडौं ।

बंगलादेशसँग हुने दुई वटा मैत्रीपूर्ण खेल खेल्न जाने राष्ट्रिय फुटबल  टिमको बिदाइ गरिएको छ ।

अखिल नेपाल फुटबल संघ एन्फाले एक कार्यक्रम गरेर खेलाडीको बिदाइ गरेको हो ।

१९औं एसियन गेम्सको तयारीमा रहेको नेपाली महिला फुटबल टिमले जुलाई १३ र १६ तारिखमा बंगलादेशसँग ढाकामा दुई खेल खेल्ने छ ।

बुधबारदेखि शुक्रबारसम्म तीन दिनको प्रशिक्षणपछि प्रारम्भिक चरणमा बोलाइएका टोलीबाट मुख्य प्रशिक्षक अनन्तराज थापाले एन्जिला तुम्बाप्पो सुब्बाको कप्तानीमा २३ सदस्यीय टोलीको घोषणा गरेका थिए ।

नेपाली टोलीको व्यवस्थापकमा बिन्द्रा देवान छन् भने सहायक प्रशिक्षकमा पारस चौधरी तथा गोलकिपिङ प्रशिक्षकमा सुरजकुमार लामा छन् ।

नेपाली टोली 

गोलकिपर : एन्जिला तुम्बाप्पो सुब्बा, अन्जना राना मगर, उषा नाथ

डिफेण्डर : अमृता जैसी, गीता राना, हीराकुमारी भुजेल, पुजा राना, विमला बिक, निशा थोकर, अञ्चली वाइबा, समिक्षा घिमिरे

मिडफिल्डर : रेनुका नगरकोटे, सरु लिम्बु, विमला चौधरी, अनिता बस्नेत, प्रीति राई, दीपा शाही

फरवार्ड : सावित्रा भण्डारी, सबिता राना मगर, रश्मिकुमारी घिसिङ, अमिषा कार्की, रेखा पौडेल, अनिता केसी ।