काठमाडाैं ।
एसीसी मेन्स इमर्जिङ एसिया कपअन्तर्गत भारत ‘ए’विरुद्धको खेलमा नेपालले टस जितेर पहिले ब्याटिङ गर्ने भएको छ ।
श्रीलंकाको कोलम्बोमा हुन लागेको खेलमा कप्तान रोहित पौडेलले टस जितेर भारतीय टोलीलाई पहिले फिल्डिङ गर्न निम्तो दिएका हुन् ।
प्रतियोगिताअन्तर्गत आफ्नो पहिलो खेलमा पनि पाकिस्तानविरुद्ध नेपालले पहिले ब्याटिङ गरेको थियो ।
उक्त खेलमा नेपाली ब्याटरहरूले निकै संघर्ष गर्दा १७९ रनमा समेटिएको थियो ।
आफ्नो दोस्रो खेल नेपालले बलियो टोली भारतविरुद्ध खेल्न लागेको हो । नेपाल रहेको समूहमा भारत ‘ए’, पाकिस्तान ‘ए’ र यूएई ‘ए’ छन् ।
