जुम्ला ।
जुम्लाको कनकासुन्दरी गाउँ पालिका वडा नम्बर ४ स्थित छलपुनेरा भन्ने ठाउँमा आइतबार विहान ६स् ४५ बजे तिर जिप दुर्घटना हुँदा दुई जनाका मृत्यु भएको छ ।
कर्णाली राजमार्गको नाग्म गमगडी सड्क खण्डको गोटिज्युलाबाट मुगु जाँदै गरेको जिप छलपुनेरा भन्ने स्थानमा दुर्घटना भएको इलाका प्रहरी कार्यालय हाड सिजाले बताउनु भयो ।
गोटिज्युला देखि मुगु जाँदै गरेको भे १ ज १०९९ नम्बरको जिप दुर्घटना हुँदा लगभग ३ सय मिटर तल खसेको छ ।
दुर्घटना परि चालक र सहचालक दुबै जनाको घटना स्थलमै ज्यान गएको र मृतक दुबै जनाको सनाखत हुन नसकेको प्रहरीको भनाई छ ।
उक्त जिपमा सवार दुईजना मात्र रहेको र दुबै जनाको सनाखत हुनको लागि जिल्ला प्रहरी कार्यालय जुम्लाबाट प्रहरीको टोली र मृतकका आफन्त आएमा नाम र ठेगाना खुल्ने इलाका प्रहरी चौकी हाड सिजाको भनाई छ ।
घटनाको थप अनुसन्धान भइरहेको पनि प्रहरीले जनाएको छ ।
