थाइल्यान्डले दिएको १०६ रनको लक्ष्य पछ्याउने क्रममा नेपाल १९.३ ओभरमा ५९ रन बनाउँदै अलआउट भयो । नेपालका लागि कविता कुँवरले सर्वाधिक १७ रन बनाइन् ।

त्यस्तै कविता जोशी र अप्सरी बेगमले समान १०/१० रन बनाइन् । यसबाहेक अन्यले दोहोरो अंकमा रन बनाउन सकेनन् । लक्ष्य पछ्याउने क्रममा नेपालले खराब शुरूआत गरेको थियो ।पराजित भएसँगै पहिलो पटक विश्वकपको ग्लोबल छनोटमा स्थान बनाउने नेपालको सपना अधुरै रहेको छ । यससँगै ग्लोबल टी२० छनोट हुँदै विश्वकप खेल्ने नेपालको सपना समाप्त भएको छ ।

थाइल्यान्डका लागि नानपाट कोन्चारोएनकाइले अविजित ५९ रनको योगदान गरिन् । यसैगरी नथाकन चन्थमले ३१ र चनिँदा सुतिरुआङले ११ रन बनाए ।

नेपालका लागि कविता कुँवर र पूजा महतोले समान एक विकेट लिए ।