काठमाडौं

मध्यपूर्वको      देश      ओमानमा      अबदेखि  भ्रमण  भिसामा  गएकाले  भिसा  परिवर्तन गरेर काम गर्ने भिसा लगाउन नपाइने भएको छ । ओमानस्थित नेपाली दूतावासले सूचना सार्वजनिक  गर्दै  कात्तिक  १४  वा  अक्टोबर  ३१  देखि  भ्रमण  भिसामा  ओमानमा  आएका  आप्रवासीले  भिसा  परिवर्तन  गरेर  काम  गर्न  नपाउने नियम लागु गरेसँगै भ्रमण भिसामा गएर काम नपाइने भएको हो ।

यसअघि भ्रमण भिसामा जाने र त्यहाँ पुगेपछि काम गर्ने भिसा लगाउने सक्ने भए पनि ३१ अक्टोबरदेखि भिजिट भिसामा गएकाले काम गर्ने भिसा नपाउने कडा नियम ओमान सरकारले लागु गरेको खबर गोरखापत्रले छापेको छ।