काठमाडौं ।

छैटौं संस्करणको प्रधानमन्त्री कप भैरहवा र काठमाडौंमा हुने भएको छ ।

नेपाल क्रिकेट संघ क्यानले सोमबार रुपन्देही जिल्ला क्रिकेट संघलाई पत्राचार गर्दै प्रधानमन्त्री कपको ८ देखि १० खेल भैरहवामा गर्ने क्यानले जानकारी दिएको छ ।

‘अहिले धेरै क्रिकेट प्रतियोगिताहरु काठमाडौं केन्द्रित भइरहेका छन् । म आफैंले पनि बाहिर गएर प्रतियोगिताहरु हेरेँ ।

अब काठमाडौं बाहिर पनि प्रतियोगिता लैजाने योजना अनुसार हेर्दा भैरहवा उपयुक्त हुने देखियो ।’

‘यसको मिति पनि छिटै सार्वजनिक हुनेछ । केही अन्तर्राष्ट्रिय क्रिकेट सिरिज हुने विषयमा पनि छलफल भइरहेकोले मिति तय भएको छैन’, पारसले बताए ।

सम्भवत प्रतियोगिता माघको पहिलो सातादेखि हुने उनले बताएका छन् । उनले भने, ‘जनवरी तेस्रो साता (माघको पहिलो साता) देखि गर्ने तयारी छ ।’

यसअघि नै यो प्रतियोगिता राउण्ड रोबिन प्रणालीमा गर्ने तयारी भए पनि निश्चित भने भइसकेको छैन ।

‘राउण्ड रोविनमा गर्ने तयारी गरिरहेका छौं । सम्भवत त त्यही नै हुन्छ होला’, पारसले  बताए ।

यसअघिको प्रधानमन्त्री कपको उपाधि एपीएफ क्लबले जितेको थियो ।