काठमाठौं
इग्लिस प्रिमियर लिग फूटबलको सबैभन्दा सफल क्लब म्यानचेस्टर युनाइटेड फेरि पराजित भएको छ । शनिवारको राति भएको खेलमा युनाइटेड तुलनात्मक कमजोर टोली नटिङ्घम फरेस्टसँग २–१ ले पराजित भएको हो ।
खेलमा ६४ औं मिनेटमा निकोलस डोमिनगेजको गोलमा घरेलु टोली नटिङ्घमले अग्रता लिएको थियो ।
तर ७८ औं मिनेटमा मार्कुस रासफोर्डले बराबरी गोल फर्काएका थिए । यद्यपि मोर्गन गिब्स ह्वाइटले ८२ औं मिनेटमा गोल गर्दै नटिङ्घमलाई विजयी बनाए ।
जारी लिगको युनाइटेडको यो पछिल्ला पाँचौ खेलमा तेस्रो हार हो ।
युनाइटेड प्रिमियर लिगको सर्वाधिक सफल क्लब हो । उसले १३ पटक लिग उपाधि जितेको छ । तर पछिल्ला वर्षहरूमा युनाइटेडले लय गुमाइरहेको छ ।
नटिङ्घमले २० खेलमा २० अंक बनाएको छ । यस जीतले उ १५औं स्थानमा उक्लिएको छ । समान खेलमा ३१ अंक रहेको युनाइटेड लिगमा सातौं स्थानमा छ ।
शनिवार राति नै भएका अन्य खेलमा साविक विजेता म्यानचेस्टर सिटीले शेफिल्ड युनाइटेडलाई २–० गोल अन्तरले हराएर तेस्रो स्थानमा उक्लेको छ । यस्तै बर्नलीलाई ३–२ ले पराजित गर्दै एस्टन भिल्ला दोस्रो स्थानमा उक्लिएको छ ।
