कठमाडौँ,

आज नारायणहिटी दरबार संग्रहालयबाट श्रीपेच चोरी गर्न लागेको समाचार प्रति गम्भीर विश्व हिन्दु महासंघले ध्यानाकर्षण भएको जनाएको छ ।

नेपाली जनताको आस्था र बिश्वासकाे प्रतीक श्रीपेचको संरक्षण गर्न अब नेपाल सरकार असमर्थ देखिएको महासंघकी महासचिव अस्मीता भण्डारीले बताउनुभएको छ । ‘श्रीपेचमाथिको संरक्षण राजसंस्थाले मात्रै गर्न सक्दछ । श्रीपेचको हकदार भनेको राजसंस्था मात्रै हो’ महासचिव भण्डारीको भनाइ छ ।

‘हाम्रो देशको राष्ट्रिय एकता, अखण्डता र सम्प्रभुताको प्रतीक, वैदिक सनातन धर्म, हिन्दु संस्कार संस्कृति , पूर्विय दर्शन र सभ्यताको निधिका रुपमा हामीले श्रीपेचलाई मान्दछौ’ महासचिवको भनाई छ । राजाबाट जनताको नासो केही समय नेपाल सरकारलाई संरक्षणका लागि दिईएकोमा अब फिर्ता लिनुपर्ने टट्कारो आबश्यकता देखिएको जनाइएको छ ।

अत : जनताको नासो फिर्ता लिइ मुलुकलाई संरक्षकत्व प्रदान गर्नका निम्ति महाराधिराज सरकार स्वयम् तत्पर हुनु आबश्यक देखियो, उनको भनाई छ । साथै नेपाल सरकारले पनि श्रीपेचको संरक्षण गर्न सक्दैन भने तत्काल महाराजाधिराजलाई फिर्ता गर्नका लागि आग्रह गरिएको छ ।