प्रधानन्यायाधीश चोलेन्द्रशमशेर जबराले आज पनि आफ्नो एकल इजलास तोकेका छन् ।
बिहीवार तोकिएको पेशीमा बृहत् पूर्ण इजलास, संयुक्त इजलास साथै जबराले पनि आफ्नो एकल इजलास तोकेका हुन् । प्रधानन्यायाधीश जबराले आफ्नो एकल इजलासमा ३० वटा मुद्दा राखेका छन् ।
विविध, उत्प्रेषण, लागुऔषध खैरो हेरोइन, उत्प्रेषण परमादेश लगायतका मुद्दा उनले आफ्नो इजलासमा राखेका हुन् ।
सहकर्मी न्यायाधीशहरूले इजलास बहिष्कार गर्दै आन्दोलित भइरहेका बेला जबराले बुधवार पनि आफ्नो एकल इजलासमा ५ वटा मुद्दा राखेर सुनुवाइ गरेका थिए ।
त्यसै गरी न्यायाधीशहरू दीपककुमार कार्की, मीरा खड्का हरिकृष्ण कार्की, हरिप्रसाद फुयाल, डा. मनोजकुमार शर्मासहितको बृहत् पूर्ण इजलास तोकेका छन् ।
