राप्रपाको महिला महामन्त्री पदमा नायिका रेखा थापा पराजित हुनुभएको छ । कुन्ती शाहीसँगको प्रतिस्पर्धामा उहाँ पराजित हुनुभएको। हो दुइ जनाविच कडा प्रतिष्पर्धा थियो।
शाहीले २ हजार ८ मत ल्याएर विजय हुनुभयो भने थापाले १ हजार ६ सय ४० मत ल्याउनुभयो। कमल थापालाई २ सय मत अन्तरले हराउँदै राजेन्द्र लिङ्देन राप्रपाको अध्यक्षमा विजयी हुनुभएको छ ।
उपाध्यक्षमा विक्रम पाण्डे विजयी हुनुभएको छ। पार्टीको खुल्ला उपाध्यक्षमा विक्रम पाण्डे २५२१ मत ल्याएर पाण्डेले निर्वाचित हुनुभएको हो। उपाध्यक्षको ४ पदमा विक्रम पाण्डे सहित बुद्धिमान तामाङ, ध्रुव बहादुर प्रधान र महिलातर्फ रोशन कार्की विजयी भएका छन् ।
लिङ्देन समुहका धवल शम्शेर राणा महामन्त्रीमा विजयी हुनुभएको छ। राणाले २२२१ मत ल्याउनुभएको छ।
यस्तै महामन्त्रीमा महिलातर्फ कुन्ती शाही विजयी हुदा खुल्लातर्फ धवल शमशेर राणा र भुवन पाठक विजयी भएका छन् ।
राप्रपाको अध्यक्षसहित पदाधिकारीमा उपाध्यक्षतर्फ ४ र महामन्त्रीमा ३ पदमा निर्वाचन भएको थियो । निर्वाचित मध्ये सर्वाधिक मत ल्याउनेमा बिक्रम पाण्डे हुनुहुन्छ।
