पाल विद्यार्थी संघले कृषि क्याम्पस रामपुर चितवनका प्रमुखलाई बर्खास्त गर्न माग गरेको छ।
नेविसंघ त्रिवि समितिले आज उपकुलपति कार्यालयमा ध्यानाकर्षण पत्र बुझाउँदै क्याम्पस प्रमुख मिलन सुवेदीलाई बर्खास्त गर्न माग गरेका हुन्।
गत साउन २२ मा रामपुर क्याम्पसमा अनसनरत नेविसंघका सुरज यादव र आशिष देवकोटामाथि कुटपिट भएको थियो।
क्याम्पस प्रमुख सुवेदीकै निर्देशनमा नेविसंघ नेताहरूमाथि आक्रमण भएको आरोप नेविसंघ त्रिवि समितिको छ।
रामपुर क्याम्पसका प्रमुखलाई बर्खास्त गरी सत्यतथ्य छानबिन गर्न पनि नेविसंघले माग गरेको छ। नेविसंघ नेता प्रेमिका राना मगरले कुटपिटमा संलग्नको पहिचान गरी कडा कारबाही गर्नुपर्ने बताइन्।
