काठमाडौं ।
प्रधानमन्त्री पुष्पकमल दाहाल ‘प्रचण्ड’को थापाथलीस्थित नर्भिक इन्टरनेशनल हस्पिटलमा पूर्ण स्वास्थ्य परीक्षण भएको छ ।
प्रधानमन्त्री दाहालको सोमवार नर्भिकमा पूर्ण स्वास्थ्य परीक्षण गरिएको हो ।
स्वास्थ्य परीक्षणका लागि प्रधानमन्त्री दाहाल सोमवार दिउँसो ३ः४० बजे थापाथलीस्थित नर्भिक अस्पताल पुगेका थिए ।
करिब डेढघण्टा समय लगाएर उनको सम्पूर्ण स्वास्थ्य परीक्षण गरिएको नर्भिक अस्पतालले मंगलवार जारी गरेको विज्ञप्तिमा उल्लेख छ ।
परीक्षणका क्रममा प्रधानमन्त्रीको स्वास्थ्य अवस्था सामान्य देखिएको नर्भिक इन्टरनेशनल हस्पिटलका प्रवक्ता सोमनाथ बास्तोलाले जानकारी दिए ।
