जुम्ला ।
जुम्लाको गुठिचौर गाउँपालिकामा ढुङ्गाले थिचिएर ४५ वर्षीय महिलाको सोमबार मृत्यु भएको छ ।
गुठिचौर ४ की सत्यदवी अधिकारीको ढुङ्गाले थिचिएर मृत्यु भएको हो । उखाडी गाउँको सादनी सिँचाइ कुलो निर्माणको काम गरिरहेको अवस्थामा माथिबाट खसेको ढुङ्गाले लागेर उनि घाइते भएको जिल्ला प्रहरी कार्यालयका प्रहरी निरीक्षक तथा सुचना अधिकारी धर्मराज जोशीले बताए ।
उनका अनुसार कर्णाली स्वास्थ्य विज्ञान प्रतिष्ठान जुम्लामा उपचारका लागि ल्याएको थियो । अधिकारीको उपचारकै क्रममा मृत्यु भएको प्रहरीले जनाएको छ ।
